АҞӘА, жәабран 22 - Sputnik. Аҳазалхраз Аҳәынҭқарратә еилакы аконтрабандеи азакәанеилагареи рҿагылараз аҳазатә еилакы аусзуҩцәа аушьҭырҭатә ҭыԥ "Ԥсоу" аҿы иаадырԥшит аконтрабандатә ҭаҭынаалыҵ ҳәа аанацҳауеит Аилак апресс-маҵзура.
Аҭаҭын ҭоԥқәа амашьына ашә аҩнуҵҟатәи ахҟьа иаҵаҵәахын, аидараҭаҵарҭагьы иҭан. Зынӡа иаарԥшын 16 800 сигареҭ.
Административтә зинеилагаразы аматериалқәа зегьы Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.