ААУ ажурналистика акафедра арҵаҩы, апрофессор Екатерина Бебиаԥҳа арадио Sputnik аефир аҿы еиҭалҳәеит, Москватәи арҵаҩратә аҳәынҭқарратә университет ажурналистикеи амедиакоммуникациақәеи ркафедра адоцент Елена Зубаркинеи ААУ астудентцәеи аспирантцәеи реиҧылара шымҩаԥысыз, аҵараиурҭа аҩныҵҟа ажурналистцәа рԥышәа аизырҳаразы иазгәаҭан илымоу апроект атәы.
"Даара амҵәыжәҩақәа ҳнаҭеит, аҵарауаҩ, арҵаҩы, аԥышәа змоу имҩаԥылгаз аҟазаратә-классқәа. Раԥхьа лара дырԥылеит ажурналистцәа-аспирантцәа. Москва аҵараируҭаҿы аспирантцәа аус рыдылулоит аҟнытә лара иҳалҭаша рацәоуп. Арҵагатә уснагӡа аиқәыршәара, адиссертантцәа ртемақәа алхшьеи аус рыдулашьеи иазкны иҟаз ацәажәара алҵшәа аман ҳәа азысԥхьаӡоит", - ҳәа азгәалҭеит Бебиаԥҳа.
Апрофессор Екатерина Бебиаԥҳа иара убасгьы еиҭалҳәеит, Елена Зубаркина арадиожурналистикаҿы илымоу аԥышәа атәы, ауниверситеттә радио ахыҵхырҭаҿы дышгылаз.
"Иҳабжьалгаз зегь раасҭа еиҳау акәны исыԥхьаӡоит, уажәшьҭа иагьаамҭоуп ҳауниверситет аҿы астудиақәа раартра. Кафедрак ҳамоуп уаҳа ҳҽеиҵаҳамхыц азы, астудиақәа реиҿкаара нап арктәуп, ажурналистцәа ҿарацәа апрактикатә ԥышәа роурцаз", - ҳәа лҳәеит Бебиаԥҳа.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.