АҞӘА, жәабран 24 – Sputnik. 2022 шықәсазы Аԥсны АШәМ, Аԥсны иҟоу Урыстәыла АШәМ Аҳәаахьчаратә усбарҭа русзуҩцәа Аԥсны аҳәаахьчаратә закәанԥҵара еилазгаз 1200-ҩык ааныркылеит.
Азинеилагаҩцәа административтә ҭакԥхықәра рыдҵоуп "Аҳәаахьчаратә зонаҿы аҳәаахьчаратә режим аилагара", "Аԥсны аҳәынҭқарратә ҳәаа арежим аилагара", "Аԥсны аҩнуҵҟатәии амшынтәи ӡқәа рҟни аҵакыратә мшын аҟни аҳәаахьчаратә режим аилагара" ахәҭаҷқәа инарықәыршәаны.
Аԥсны аҳәаа закәаншьаҭада рахысразы 13-ҩык рганахьала ашьаус хацыркуп.
Иаԥырҟәҟәаауп 35 рҟынӡа аԥсуа-қырҭуа ҳәаа еиуеиԥшым аидара ахыгара, 2,5 миллион мааҭ рыхә аҭаҭынаалыҵгьы убрахь иналаҵаны.