АҞӘА, жәабран 24 – Sputnik. Аенергетика, Аԥсны аекономика урыстәылатәи аинвестициақәа ралагалара, азакәанқәа реишьаршәалара ирылацәажәеит Аԥсны ахада Аслан Бжьаниеи Урыстәыла аиҳабыра рхада ихаҭыԥуаҩ Александр Новаки. Абри атәы аанацҳауеит Урыстәыла аиҳабыра аофициалтә Telegram-канал.
Аиԥылара ашьҭахь иалкаау:
аԥсуа ган ахы иаднаҵеит ауааԥсыра рԥаршәара ҳасаб азуны аенергетика аусхк аҟны азакәан ҿыц рыдкылара,
аинвестициақәа рзы азакәан адкылара дырццакуеит, иара убас урыстәылатәи аинвестициақәа рзы аиқәшаҳаҭра шьақәдырӷәӷәоит,
Афымца ахархәаразы аԥхьаӡагақәа раахәареи рықәыргылареи рзы акредит аҭара аҿҳәарақәа шьақәдырӷәӷәоит,
Урыстәылантәи Аԥсныҟа иаарышьҭуа афымца хәажәкырамза нҵәаанӡа амч аизырҳара иазааҭгылан.