АҞӘА, жәабран 24 - Sputnik. Аҟәатәи ақалақьтә ӡбарҭа ҩымз ҳәа иарбаандаҩит Аԥсны атәылауаа Меружан Григориани Артак Манукиани. Абри атәы аанацҳауеит аӡбарҭа асаит.
Ахацәа закәаншьаҭада аҭира иашьҭамкәа анаркотикқәа аархәон, иҵәахны ирыман ҳәа агәызҩара ыҟоуп.
Григориан Урыстәылантә Аԥсныҟа иааигон 0,962 грамм амфетамин.
Манукиан – 207 капсула апрегабалина (62,1 грамм), 14,777 грамм амефедрон.
Григориан мшаԥы 20 рҟынӡа дырбаандаҩуп, Манукиан – мшаԥы 14 рҟынӡа.
Иарбоу ахаҿқәа ахара рхараны иԥхьаӡам рхара аӡбарҭа ишьақәнарӷәӷәаанӡа.