Жәабран 27 инаркны хәажәкыра 5 рҟынӡатәи акультуратә хҭысқәа рафиша:
Сариа Кәарцхьиаԥҳа, Sputnik
Жәабран 28 асааҭ 18:00 рзы Аԥсуа драматә театр аҿы имҩаԥгахоит Аҳәынҭқарратә акамертә оркестр аконцерт "Юбилей в кругу друзей". Аконцерт мҩаԥысуеит адирижиор Давид Терзиан инапхгарала.
Аԥснытәи аҿар ртеатр аҿы жәабран 28 асааҭ 16:00 рзы имҩаԥгахоит аспектакль "Апринцесса гәымшәа" аԥхьарбара.
РУСДРАМ аҿы жәабран 28 асааҭ 19:00 рзы – аспектакль "Оскар" (арежиссиор Сергеи Ефремов).
Хәажәкыра 3, 4 асааҭ 19:00 рзы арежиссиор Артиом Устинов иқәыргыламҭа "Електра". Ажәытә бырзен ҭыԥҳа лан лыбзиабаҩи лареи лаб дшыршьыз атрагедиа атә аанарԥшуеит.
Аҳәынҭқарратә филармониаҿы хәажәкыра 2 асааҭ 18:00 рзы имҩаԥысуеит Жәлар ринструментқәа роркестрқәа рфестиваль "Аԥхьарца".