АҞӘА, жәабран 28 - Sputnik. Аԥсны Адәныҟатәи аусқәа рминистр Инал Арӡынбеи Ихьыԥшым Аҳәынҭқаррақәа русқәеи, аҳәаанырцә инхо аџьынџьуааи, жәларбжьаратәи агуманитартә усеицуреи рзы Афедералтә маҵзура (Россотрудничество) аиҳабы Евгени Примакови еиԥылеит Москва, абри атәы аанацҳауеит Аԥсны ААР амедиацентр.
Арӡынбеи Примакови русеицура алҵшәақәа еихыршьаалеит.
Аганқәа иара убасгьы ирылацәажәеит Аԥсны ААР амедиацентр Москва аԥҵара азҵаара.
Арӡынба Россотрудничество аколлектив ҭабуп ҳәа реиҳәеит, ареспубликазы зыҩаӡара ҳараку акадрқәа разырхиараҿы иҟарҵо ацхырааразы.