АҞӘА, жәабран 28 – Sputnik, Асмаҭ Ҵәыџьԥҳа. Аминистрцәа реилазаара аилатәараҟны Аԥсны атәанчаҩцәа ашәҟәы реиҭаҭагалара мҩаԥгазарц.
Ашәҟәеиҭаҭагалара мҩаԥнагоит Асоциалтә еиқәыршәареи адемографиатә политикеи рминистрра, араионқәа рхадарақәа. Иара мҩаԥгахоит хәажәкыра 1 инаркны лаҵара 31 аҟынӡа.
Ашәҟәеиҭаҭагалара иахымсыз атәылауаа ртәанчахәы аанкылахоит.
"Ашәҟәеиҭаҭагалара иахымсыз атәылауаа, ҩаԥхьа атәанчахәы рызшәара иалагоит ртәанчахәы анаанкылаз инаркныазы, аха фымз еиҳамкәа. Иарбоу аҿҳәара ашьҭахь арзаҳал ҩны ианынарышьҭ аамҭа инаркны атәанчахәы ашәара хацыркхоит", - аҳәоит адокумент атекст аҿы.
Аусмҩаԥгатәқәа анхыркәшахалак ашьҭахь аминистрра Аминистрцәа реилазаара аҿаԥхьа аҳасабырба ҟанаҵоит.
Ауснагӡатә амҩаԥысшьа ахылаԥшра инапы иаҵоуп аԥыза-министри ихаҭыԥуаҩ Сергеи Пустовалов.