АҞӘА, жәабран 28 - Sputnik, Асмаҭ Ҵәыџьԥҳа. Аԥыза-министр ихаҭыԥуаҩ, аекономика аминистр Кристина Озган Аминистрцәа реилазаара аилатәараҟны илҳәеит аԥснытәи аган аицәажәарақәа шымҩаԥнаго иӡшьартәу агаз баџьда Аԥсныҟа аагаразы.
Лара илҳәеит уаанӡа Аминистрцәа реилазаара ақәҵара шаднакылаз 2012 шықәсазы анапы зҵаҩыз Аԥсни Урыстәылеи рыбжьара атауарқәа рыла ахәаахәҭра арежим азы аиҳабырабжьаратә еиқәшаҳаҭра аԥсахрақәа ралагаларазы аԥкаанҵа анапы аҵаҩразы, аха усҟан иӡшьартәу агаз аиқәыԥхьаӡаҿ ишарбамыз.
Аилатәара алкаала Аминистрцәа реилазаара ақәҵара аднакылаеит аиҳабырабжьаратә еиқәшаҳаҭра аԥсахрақәа ралагаларазы аԥкаанҵа анапы аҵаҩызарц.