АҞӘА, хәажәкыра 1 – Sputnik. Аԥсны аԥыза-министр Александр Анқәаб Аҟәа араион иахаҭарнакцәоу адепутатцәа – Фазлыбеи Аҩӡба, Левон Галустиан, Кан Кәарҷиа дырԥылеит, абри атәы аанацҳауеит Аминистрцәа реилазаара апресс-маҵзура.
"Аиԥылара азкын Аҟәа араион аҿы аремонти аиҭашьақәыргылареи зҭаху асоциал-економикатә хыбрақәа рсиа ашьақәырӷәӷәара азҵаара", - аҳәоит адырраҭараҿы.
Адепутатцәа аԥыза-министр иарҳәеит раԥхьа иргыланы аремонт зҭаху аобиектқәа рсиа шеиҭарҿыцтәу. Аиҳарак амҩақәа, аенергетикатәи ӡыла аиқәыршәаратәи инфраструктуреи, ахәыҷқәа рзы ахәмарырҭақәеи азхьаԥшра шырҭаху атәы рҳәеит.