АҞӘА, хәажәкыра 1 - Sputnik. Аԥсны Аҳазалхратә еилакы аконтрабандеи аҳазатә зинеилагарақәеи рҿагыларазы Аусбарҭа аусзуҩцәа аартра иаздырхиоз аҳҭнықалақь адәқьанқәа руак аҿы аконтрабандатә калиан азы 210 ҭоԥ аҭаҭын аадырԥшит ҳәа аанацҳауеит Аԥсны Аҳазалхратә еилакы апресс-маҵзура.
210 ҭоԥ аҭаҭын аԥсуа акцизтә маркақәа рықәӡамкәа иҟан.
Административтә зинеилагаразы аматериалқәа зегьы Аҳәынҭқарратә ҳазалхратә еилакы аусҭҵааратәии аусеилыргаратәии ҟәшахьы инашьҭуп.