АҞӘА, хәажәкыра 1 - Sputnik. Аԥснытәи ашколхәыҷқәа "Сириус" аҿы арҵаратә программа "Информатика. Юниоры" иалахәхар ҟалоит, абри атәы аанацҳауеит Аԥсны аҵара аминистрра.
Апрограмма мҩаԥысуеит рашәара 1 - 24 рзы. Аинформатика аҵаразы апрограмма иалахәхар ҟалоит 6-8 аклассқәа рҟынтәи Урыстәыла арегионқәа, ИАР атәылақәа, Аԥсны, Аахыҵ Уаԥстәыла рҟынтәи ашколхәыҷқәа.
Аҵаҩцәа аинформатиказ аолимпиада иаздырхиалоит, иазыҟарҵалоит.
Апрограмма алахәхаразы аҵара-лкааратә еицлабраҿы ахәшьара ҳаракқәа уоуроуп. 6-7 аклассқәа рҵаҩцәа Python 3 абызшәа рҵоит, аабатәи акласс аҵаҩцәа — С++ абызшәа.