АҞӘА, хәажәкыра 2 - Sputnik. Минск Аахыҵ Кавказ ашәарҭадара азҵаарақәа иахьрылацәажәатәу ҭыԥны исшьоит ҳәа иҳәеит апресс-конференциаҟны Аԥсны ахада Аслан Бжьаниа.
"Беларуссиеи ҳареи ҳаинырра аԥхьаҟа акыр феида ҳзаанагоит", - иҳәеит атәыла ахада.
Бжьаниа иажәақәа рыла, Беларуссиа ахада Александр Лукашенкои иареи реиԥылара иаԥырхагаз амчрақәа ыҟан, убри азоуп Лукашенко Қырҭтәыла аганахь ацәажәара заԥшьигаз.
Аԥсны ахада Аслан Бжьаниа жәабран 20 рзы Белоруссиа даҭааит, атәыла ахада Александр Лукашенко диԥылеит. Атәылақәа рхадацәа рылацәажәеит ҩ-ганктәи аусеицура азҵаарақәа.