АҞӘА, хәажәкыра 6 - Sputnik. Атуристцәа рыԥгаԥсаҟаҵара азҵаара иалацәажәеит Атуризм аминистрра ахада Ҭеимураз Хышбеи урыстәылатәи аԥгаԥсатә еилахәыра ИАЕ РСО "Евроинс" аҟәша адиректор Андреи Тиурини. Абри атәы аанацҳауеит аусбарҭа апресс-маҵзура.
Хышба иажәақәа рыла, 2024 шықәсазы Аҟәа аҳаирбаӷәаза анаадыртлак ашьҭахь Аԥсныҟа иаауа атуристцәа рхыԥхьаӡара рацәахоит. Ареспублика акурортқәа атуристцәа ирзыԥшуп, урҭ рзы аҭагылазаашьа маншәалақәа раԥҵара иазхиоуп иҳәеит аминистр.
Андреи Тиурин иазгәеиҭит Аԥсны атуристцәа еиуеиԥшым аҭагылазаашьақәа рзы ахымҩаԥгашьатә ԥкаанҵа рымазар шакәу.