АҞӘА, хәажәкыра 6 - Sputnik. Атуризм аминистрра "Атуризм азы" азакәан аус аднаулараны иҟоуп ҳәа аанацҳауеит аусбарҭа апресс-маҵзура.
Аминистрраҿы аилацәажәара мҩаԥысит азиндырыҩцәа алархәны.
"Иааԥхьоуп азиндырыҩцәа-ҟазацәа, азакәан агхаԥхақәа гәарҭаразы, уи аҟны аҳәынҭқарра аинтересқәа хьчазарц азы. Ҳақәгәыӷуеит Апарламент азакәан ҿыц адкылараҿ ишҳадгыло", - иҳәеит аминистр Ҭеимураз Хышба.
Иахьазы аус зуа "Атуризм азы" азакәан рыдыркылеит 2005 шықәсазы.