АҞӘА, хәажәкыра 6 - Sputnik. Урыстәыла атәылахьчара аминистр Сергеи Шоигу Донбасс аинфраструктура аиҭашьақәыргылара шцо азы аусурақәа гәеиҭеит, Мариупольгьы налакны, ахә ҳаракны ишьеит Арра-ргыларатә комплекс аусура ҳәа аанацҳауеит аусбарҭа.
Аминистрраҿы ишырҳәаз ала, Мариуполь, ДЖәР аминистр игәеиҭеит ирырҭахьоу аобиектқәа, зыргылара иаҿу ахыбрақәа.
Шоигу иара убасгьы дырҭааит ахырхарҭарацәатә медицинатә центр, АҶА ареспубликатә центр, хәба-хәбаны еихагылоу 12 ҩны ахьдыргылаз араион ҿыц.
"Атәылахьчара аминистр ахә ҳаракны ишьеит аусурақәа рымҩаԥысшьа, ҭабуп ҳәа реиҳәеит Донбасс асоциалтә инфраструктура аиҭашьақәыргылара иалахәу аргылаҩцәа", - ҳәа аҳәоит адырраҭараҿы.
Уи адагьы аминистр изеиҭарҳәеит Мариуполь зыргылара иаҿу Урыстәыла Афедералтә медицина-биологиатә комплекс, жәба-жәбаны еихагылоу ф-ҩнык рыла еиҿкаау араион ҿыц, ашколқәа, ахәыҷбаҳчақәа рҭагылазаашьақәа.
Шоигу дазыӡырҩит Ростовтәи аобласти ДЖәРи еимаздо аӡымҩангага, аргылара атәы шцо. Иара ԥхьаҟа Донбасс арегион иаҵанакуа аҵакырақәа ӡыржәтәла еиқәнаршәалоит.