АҞӘА, хәажәкыра 10 - Sputnik. Аҟәатәи ақалақьтә еизара аҟынтәи Ауаажәларратә палата алахәыларазы ркандидатурақәа шьақәдырӷәӷәеит Алхас Гәыргәлиеи Лана Цаавеи ҳәа аанацҳауеит аҳҭнықалақь ахадара апресс-маҵзура.
19-ҩык адепутатцәа рҟынтәи абжьыҭара иалахәын 15-ҩык. Лана Цаава лкандидатураз еицҿакрыла рыбжьы рҭиит, Алхас Гәыргәлиа изы – 14 - ҩык.
Ауаажәларратә палата 35-ҩык рыла ишьақәгылоуп.
Азакәан инақәыршәаны 13-ҩык ахада иалихуеит, 11-ҩык – аҭыԥантәи ахадарақәа, аҽа 11-ҩык аполитикатә партиақәеи ауаажәларратә еиҿкаарақәеи рҟынтәи.