АҞӘА, хәажәкыра 12 - Sputnik, Сариа Кәарцхьиаԥҳа. Аԥснытәи абоксиор Герман Арџьениа Конготәи аспортсмен Обед Кабонгои иареи реиндаҭлараҿ аиааира игеит абокс ахәылԥаз аҟны.
Аиԥылара ԥшьраундк реихшьаалақәа рыла Арџьениа аиааира ааникылеит.
Абокс ахәылԥаз “Shamo Boxing promotion” аҟны Герман Арџьениа Подольск ақалақь ахьӡала дықәгылон.
Апрофессионалтә ринг аҟны, аԥсуа спортсмен изы ари аҩбатәи аиқәԥара аиԥш, аҩбатәигь иааироуп.
Герман Арџьениа - Аԥсни Урыстәылеи аспорт азҟаза, Урыстәыла аԥхьахәагара араӡни аџьаз медали иаԥсахаз, жәларбжьаратәи аицлабрақәа рҟны аиааира зныкымкәа изгахьоу спортсменуп. Иара азыҟаҵаҩцәа Елезбар Џьологуеи Едгар Қриеи драаӡамҭоуп. Иахьатәи Александр Подольскии Георги Закирничныи рнапхгарала иҽазыҟаиҵоит Москватәи аобласт аолимпиатә резерв аҵараиурҭа №3 аҿы.