АҞӘА, хәажәкыра 12 - Sputnik. Чечентәыла акультура амшқәа мҩаԥгахоит Аԥсны хәажәкыра 13 инаркны 17 рҟынӡа, абри атәы арадио Sputnik иазеиҭеиҳәеит акультура аминистрра иатәу акультуреи аҟазареи аҟәша аспециалист хада Адамыр Гәынба.
Гәынба иажәақәа рыла, Чечентәылатәи аделегациа 150-ҩык рҟынӡа инаӡоит, урҭ рхыԥхьаӡараҿы иҟоуп Акультура аминистрра аусзуҩцәеи аҟазаратә коллективқәеи.
Чечентәыла акультура амшқәа аартхоит РУСДРАМ аҟны, уаҟа Лермонтов ихьӡ зху аҳәынтқарратә драматә театр инанагӡоит "Ҳаамҭазтәи афырхаҵа" ("Герой нашего времени") аспектакль.
Хәажәкыра 14 рзы Аҳәынҭфилармониаҟны имҩаԥгахоит Чечентәылатәи аҳәынҭқарратә филармониа аҟазацәа рконцерт, хәажәкыра 17 рзы афилармониаҟны иқәгылоит Жәлар рышәаҳәареи рыкәашареи рзы аҳәынҭқарратә ансамбль "Ваинах".
Гәынба иажәақәа рыла, ари аколлектив Аԥсны иқәгылеит 2018 шықәсазы.
Иара убас Гәынба иазгәеиҭеит, мшаԥы 3 инаркны 8-нӡа Аахыҵ Уаԥстәыла ишымҩаԥгахо Аԥсны акультура амшқәа. Уи иалахәхоит Аԥсуа ҳәынҭқарратә драматә театр, Жәлар рышәаҳәареи рыкәашареи рзы аҳәынҭқарратә ансамбль.