АҞӘА, хәажәкыра 13 - Sputnik. Аԥсны ахада Аслан Бжьаниа Гал араион даҭааит аусутә гәаҭарақәа рымҩаԥгаразы, абри атәы аанацҳауеит атәыла ахада ипресс-маҵзура.
Аҳәынҭқарра ахада дазыӡырҩит атәылахьчара аминистр Владимир Ануа Арбџьармчқәа рхатә еилазаара амобилизациа азхиазаара арӷәӷәаразы иаҭаху аусмҩаԥгатәқәа рымҩаԥгара иазку иажәахә.
Иара убас Аслан Бжьаниа игәеиҭеит аԥсуа-ақырҭуа ҳәаа инаваршәны идыргылаз анџьныртә хырӷәӷәарҭақәа.