Сариа Кәарцхьиаԥҳа, Sputnik
Ацәыргақәҵатә зал хадаҿы хәажәкыра 16 рҟынӡа имҩаԥысуеит ацәыргақәҵа "Аԥҳәыс аҟазараҿы", уи ацыргақәҵа аартын хәажәкыра 7 рзы. Аекспозициа иалахәуп аԥсуа сахьаҭыхыҩцәа аҳәсақәа русумҭақәа.
Хәажәкыра 14 асааҭ 18:00 азы Аԥснытәи аҳәынҭқарратә филармониаҟны имҩаԥгахоит А. Шахбулатов ихьӡ зху Чечентәылатәи аҳәынҭқарратә филармониа аҟазауаа рконцерт. (Аҩналара хәыдаԥсадоуп).
Хәажәкыра 14 асааҭ 19:00 рзы РУСДРАМ ахәаԥшыҩцәа иднарбоит аспектакль “Ацынҵәарах” (арежиссиор-ақәыргылаҩ Џьамбула Жорданиа). Ақәыргыламҭа шьаҭас иамоуп еицырдыруа аԥсуа шәҟәыҩҩы Баграт Шынқәба аубыхцәа ирызку ароман.
Хәажәкыра 16, 17 асааҭ 19:00 рзы РУСДРАМ аҿы аспектакль “Аметод” – Марк Вдовин иқәыргыламҭа. Аспектакль испаниатәи адраматург Жорди Галсеран иҩымҭа иалхуп.
Аԥсуа драматә театр аҿы хәажәкыра 15 рзы имҩаԥгахоит 1993 шықәсазтәи ажәылара иазку агәалашәаратә уснагӡатәқәа. Асааҭ 8:00 азы атеатр афоие аҿы асахьаҭыхыҩ Витали Қацәба иҭыхымҭақәа рцәыргақәҵеит Аҳәынҭқарратә хортә капелла аконцерти.
Асааҭ 19:00 рзы идырбахоит аспектакль "Гәымсҭатәи абаллада" (арежиссиор Мадина Аргәынԥҳа лықәыргыламҭа).
Аԥснытәи аҿартә театр хәажәкыра 16 асааҭ 18:30 рзы ахәаԥшцәа ирыднагалоит “Аибашьра ахԥатәи амш”. Аспектакль 1992-1993 шықәсқәа раантәи Аџьынџьтәылатә еибашьра аҭоурых еиҭанаҳәоит.