АҞӘА, хәажәкыра 14 - Sputnik. 2023 шықәсазы Аԥсны ҩымз рыла хнызқь вагон инареиҳаны аидара алагалоуп, абри атәы аанаҵҳауеит "Аԥсныпресс" амаҵзура.
Иалагалоу аидара акапан нагӡа 206 576 тонна иҟоуп. Ари 903 вагон рыла еиҳауп 2022 шықәса абри аамҭаз иалагалаз аиҳа.
2022 шықәса ажьырныҳәеи жәабрани амзақәа рзы ареспубликахь иааган 135 586 тонна аидара – 2 133 вагон.
"Аԥсныеихамҩа" амаҵзура ишазеиҭанаҳәаз ала, аихамҩаҿ имҩаԥыргаз аиҭашьақәыргыларатә усурақәеи ҩ- магистралтә локомотивқәеи раахәара ирыдҳәалоуп аидара амҩангара аизҳара.