АҞӘА, хәажәкыра 14 - Sputnik. Аԥсны атәылауаҩ даанкылан аҳазалхратә ҭыԥ "Ԥсоу" аҿы аоперативтә информациа амҩаԥгараан. Абри атәы аанацҳауеит Аҳәынҭқарратә ҳазалхратә еилакы.
Аԥснытәи аҳазалхыҩцәа гагратәи амилициа аусзуҩцәа рыцырхырааны ахаҵа дааныркылеит уи итәылауаҩшәҟәы ангәарҭоз. Иара идырбалеит ибзианы иҿаҳәаз аметадон згәылаз аилаҳәарақәа ԥшьба. Изқәиҭым амаҭәашьар азеиԥш капан 4,5 грамм иҟан.
Ацәгьоура афакт ала ашьаус хацыркхоит, ашьаусҭҵаара шцо иазку адыррақәа анаҩс ицәырыргараны иҟоуп.