АҞӘА, хәажәкыра 15 - Sputnik, Сариа Кәарцхьиаԥҳа. Аԥсны жәлар рартистка, атеатр "Геликон-опера" асолистка Алиса Гыцԥҳа аконцерт "Вспоминая серебряный век" далахәхоит. Аконцерт мҩаԥгахоит хәажәкыра 21 рзы Чаиковски ихьӡ зху Москватәи аконсерваториа Азал маҷ аҿы. Абри атәы Sputnik акорреспондент илзеиҭалҳәеит Алиса Гыцԥҳа.
"Аконцерт апрограммаҿ иҟалоит шамахамзар инармыгӡо аурыс композиторцәа ркомпозициақәа, Рахманинов иромансқәа. Аконцерт иалахәхоит Атеатр ду асолистцәа Елена Околышева, Максим Кузьмин-Караваев. Афортепиано апартиа налыгӡоит Москватәи аконсерваториа апрофессор Светлана Бондаренко", - лҳәеит лара.
Аконцерт "Вспоминая серебряный век" иалагоит асааҭ 19:00 рзы.
Алиса Гыцԥҳа – аԥсуа оператә шәаҳәаҩы, Москватәи амузыкатә театр "Геликон-Опера" асолистка, Аԥсны жәлар рартистка, Урыстәыла зҽаԥсазтәыз артистка.