Аԥсны

Москва имҩаԥысуа атуристтә цәыргақәҵаҿы Аԥсны аалыҵ ӡырнагеит

Москва, хәажәкыра 16 - 18 рзы имҩаԥысуеит Атуризми асасдкылара аиндустриеи XXIX жәларбжьаратәи рцәыргақәҵа– MITT.
Sputnik
АҞӘА, хәажәкыра 16 – Sputnik. Аԥсны аалыҵ ӡырнагеит Москва имҩаԥысуа атуристтә цәыргақәҵаҿы ҳәа арадио Sputnik иазеиҭеиҳәеит Аԥсны атуризм аминистрра акурорт-туристтә индустриа азԥхьагәаҭареи аҿиареи ранализ аҟәша аҟаза хада Ҭарашь Хәытаба.

"Сынтәа Аԥсны аалыҵ цәырнагоит Гагратәи агәашьаркыра асахьа змоу астенд аҿы. Ҳәарада ҳара иҳадҵаало рацәаҩуп, даара иргәаԥхоит. Адунеи аҿы имҩаԥысуа ахҭысқәа инарыдҳәаланы Аԥсны ахь аинтерес ду аарԥшуп атуроператорцәа рганахь ала", - иҳәеит иара.

Урыстәылатәи атуристцәа аҳәынҭқаррақәа жәпакы ралалара азин ахьыҟам инадҳәаланы Аԥсны атурқәа еиҳа иахьырҭиуа раԥхьатәи хә-ҭыԥк иаҵанакит иҳәеит Хәытаба.
"Ари Аԥсны азы ирбага бзиоуп. Ауаа ҳадҵаалоит, ирҭахуп аилаӡарақәа Аԥсны атуристтә ркыларақәи дареи рыбжьаҵара. Есышықәса ари ацәыргақәҵаҿы Аԥсни Урыстәыла арегионқәеи аусеицуразы аиқәшаҳаҭрақәа рыбжьарҵоит. Сынтәагьы иазԥхьагәаҭоуп иакымкәа аиқәшаҳаҭрақәа анапы рыҵаҩра". - ҳәа иҳәеит иара.
Аԥсны Москва атуристтә цәыргақәҵаҿы аалыҵ ӡырнагеит
Москва, хәажәкыра 16 - 18 рзы имҩаԥысуеит атуризми асасдкылара аиндустриеи XXIX Жәларбжьаратәи рцәыргақәҵа– MITT.
Еиуеиԥшым атуреилахәырақәа, атуроператорцәа, аекскурсиамҩаԥгаҩцәа рзанааҭеидгылақәа рыла ишьақәгылоу Аԥснытәи аделегациа напхгара аиҭоит Атуризм аминистр Ҭеимураз Хышба.
Аԥсны Москва атуристтә цәыргақәҵаҿы аалыҵ ӡырнагеит