АҞӘА, хәажәкыра 17 - Sputnik. Аԥсны ахада Аслан Бжьаниа ԥасатәи адәныҟатәи аусқәа рминистр Виачеслав Чрыгба 64 шықәса ихыҵра идиныҳәалеит, абри атәы аанацҳауеит атәыла ахада ипресс-маҵзура.
"Шәар адунеи аҟны еицырдыруа ҵарауаҩуп, ауаажәларратәи аполитикатәи усзуҩк иаҳасаб ала аԥсуа жәлар рымаҵ жәуеит, Аԥсны аинтересқәа рыхьчараҿ шәылшамҭақәа рацәоуп", - ҳәа аҳәоит адныҳәаларатә шәҟәы аҟны.
Атәыла ахада иазгәеиҭеит, Чрыгба Аԥсни егьырҭ атәылақәеи рыбжьара адипломатиатәи аиҩызаратәи аизыҟазаашьақәа рырҿиареи, ҭоурыхлеи аҭҵаарадырралеи атәыла аизырҳараҿы илагала. Изеиӷьеишьеит агәабзиареи аманшәалареи.