АҞӘА, хәажәкыра 18 - Sputnik. Аԥсны аиааира агеит "Зегь реиҳа асасцәа здызԥхьало аҭӡы" аноминациаҿы Москва имҩаԥысуа Атуризми асасдкылара аиндустриеи XXIX жәларбжьаратәи рцәыргақәҵа – MITT аҟны.
Атуризми асасдкылара аиндустриеи XXIX жәларбжьаратәи рцәыргақәҵа – MITT мҩаԥысуеит Москва хәажәкыра 16-18 рзы. Аԥснынтәи аделегациа напхгара аиҭоит Ҭеимураз Хышба, иара убас уи иалоуп атуроператорцәеи апрофеидгыла аекскуриамҩаԥгаҩцәеи рхаҭарнакцәа.
Ацәыргақәҵаан анапы аҵаҩын Аԥсни Ҟрыми ртуризм аминистррақәа рыгәҭакқәа рзы аиқәшаҳаҭра.
Адокумент иалоуп аусбарҭақәа рыбжьара зыҿҳәара дуу аимадарақәа рыбжьаҵара атуризм аусхк аҟны, аӡыргаратә џьармыкьақәеи ацәыргақәҵақәеи реимдара уҳәа рзы аусмҩаԥгатәқәа.