АҞӘА, хәажәкыра 20 - Sputnik. Урыстәыла Ашьаусҭҵааратә еилакы Гаагатәи аӡбарҭа аӡбаҩцәа Томоко Аканеи, Розарио Сальваторе Аитали, Серхио Херардо Угальде Годинеси апрокурор Карим Ахмад Хани рганахьала ашьаус хацнаркит ҳәа аанацҳауеит аусбарҭа апресс-маҵзура.
Карим Ахмад Хан заанаҵтәи аӡбарамҩаԥгара апалатахь азыҳәа наишьҭит, аӡбаҩцәа ари азыҳәа шьаҭас иҟаҵаны Урыстәыла ахада Владимир Путини Ахәыҷы изинқәа рыхьчаҩ Мариа Львова-Беловеи рырбаандаҩразы аӡбамҭа рыдыркылеит.
"Ашьаусшьҭазаара аханатә азакәаншьаҭа амаӡамызт, ашьаус аҵаркразы ҵаҵӷәы ахьыҟамыз азы", - аҳәоит адырраҭараҿы.
Жәларбжьаратәи анормақәа инарықәыршәаны, аҳәынҭқарра ахада аҳәаанырцәтәылақәа риурисдикциа даҵазмыркуа аиммунитет имоуп.
Уаанӡа, хәажәкыра 17 рзы Гаагатәи аӡбарҭа аусӡбараԥхьатә палата Владимир Путини Мариа Львова-Беловеи рырбаандаҩразы аӡбара аднакылеит, урҭ Украинантәи Урыстәылаҟа закәаншьаҭада ауааԥсыра, хаҭала ахәыҷқәа рахыгара иалахәын ҳәа ишьаны.