АҞӘА, хәажәкыра 21 - Sputnik. Аԥсны Адәныҟатәи аусқәа рминистр Инал Арӡынба урыстәылатәи иколлега Сергеи Лавров иирамш идиныҳәалеит ҳәа аанацҳауеит Аԥсны ААР Амедиацентр.
Арӡынба иазгәеиҭеит Лавров иусура, иморалтәи изанааҭтәи ҩаӡара ҳаракы, Урыстәыла аҩнуҵҟеиԥш анҭыҵгьы имоу аҳаҭыр-апату атәы.
"Агәра ганы сыҟоуп ҳтәылақәа рыдәныҟаполитикатә усбарҭақәа ԥхьаҟагьы ирылшо шыҟарҵало ҳажәларқәа реизҳазыӷьаразы", - аҳәоит адныҳәалараҟны.
Аԥсны Адәныҟатәи аусқәа рминистр Инал Арӡынба урыстәылатәи иколлега изеиӷьеишьеит амч, агәҭакқәа рынаӡара, аманшәалара.