"Шьышь -нани", "Нарҭаа", "Шьараҭын: жәлар рарҳәагақәа роркестр аконцерт

Апрограмма шьақәгылан аркәашагатә мелодиақәеи, еицырдыруа жәлар рашәақәеи рыла. Урҭ иреиуоуп- "Шьышь -нани", "Аԥсуа ашәақәа рпопурри", "Изыурызеи", аркәашагатә - "Исламеи", "Аркәашагатә", "Нарҭаа", "Шьараҭын" уҳәа уб. иҵ.

Аконцерт иаҭааз ахәаԥшцәа рнапеинҟьабжьы еихсыӷьра ақәымызт.

Амилаҭтә ҵасқәеи, акультуреи, афольклори реиқәырхаразы Ражден Гәымба ихьӡ зху Аԥснытәи аҳәынҭқарратә филармониаҿы 2016 шықәсазы еиҿкаан Оҭар Хәынҵариа ихьӡ зху жәлар рарҳәагақәа роркестр.

Оҭар Хәынҵариа ихьӡ зху жәлар рарҳәагақәа роркестр напхгара аиҭоит Денис Арухаа.

Оҭар Хәынҵариа аԥсуаа рҵас, рқьабз ирҿиаратә ԥсҭазаараҿы ихадароу аҭыԥ ааныркылон. Акомпозитор иаԥиҵахьоу ашәақәа 150 инареиҳаны Аԥсны иеицырдыруа ирылаҵәахьеит. Иаҳҳәап, аибашьра аан ииз "Аҳаҳаи Амарџьа", аҿар ргимн "Иҭбаауп адунеи", "Аҷандара", "Ашәҭқәа ирылоу аҭыԥҳа".

1 / 14

Оҭар Хәынҵариа ихьӡ зху жәлар рарҳәагақәа роркестр аконцерт мҩаԥысит Аҟәа

2 / 14

Апрограмма шьақәгылан аркәашагатә мелодиақәа рыла.

3 / 14

Иара убас еицырдыруа жәлар рашәақәа рыла.

4 / 14

Жәлар рарҳәагақәа роркестр аҟны ихәмаруеит аҳәынҭқарратә культуратә ҵараиурҭа астудентцәеи аушьҭымҭацәеи.

5 / 14

Оҭар Хәынҵариа ихьӡ зху жәлар рарҳәагақәа роркестр напхгара аиҭоит Аԥсны зҽаԥсазтәыз акультура аусзуҩ Денис Арухаа.

6 / 14

Жәлар рарҳәагақәа роркестр аԥҵан 2016 шықәсазы.

7 / 14

Оркестр ахыкқәа иреиуоуп-амилаҭтә ҵасқәеи, акультуреи, афольклори реиқәырхара.

8 / 14

Аконцерт иаҭааз ахәаԥшцәа рнапеинҟьабжьы еихсыӷьра ақәымызт.

9 / 14

Жәлар рарҳәагақәа роркестр аҟны еиуеиԥшым арҳәагақәа рыла ихәмаруеит.

10 / 14

Аккордеонқәа рҿгьы убрахь иналаҵаны.

11 / 14

Оҭар Хәынҵариа аԥсуаа рҵас, рқьабз ирҿиаратә ԥсҭазаараҿы ихадароу аҭыԥ ааныркылон.

12 / 14

Оҭар Хәынҵариа иаԥиҵахьоу ашәақәа 150 иреиҳауп.

13 / 14

Аҳәынҭқарратә жәлар ринструментқәа роркестр аус ауеит Ражден Гәымба ихьӡ зху Аԥснытәи аҳәынҭқарратә филармониаҿы.

14 / 14

Сааҭк иназынаԥшуа ицоз аконцерт даара алахҿыхра ацын.