АҞӘА, хәажәкыра 22 - Sputnik. Атәыла аԥыза-министр Александр Анқәаб идҵа инақәыршәаны, Пицунда-Мысратәи, Ԥсҳәы-Гәымсҭатәи аҳәырԥсаррақәеи Риҵатәи ареликттә милаҭтә парки русура аиҿкаара иазку анормативтә шәҟәынҵақәа Аԥсны аԥсабарахьчаратә закәанԥҵара иақәшәо рыҟаҵаразы аусутә гәыԥ аԥҵоуп.
Аусутә гәыԥ 2023 шықәса нанҳәамза 31 рҟынӡа ахәаԥшразы адгалара мҩаԥнагароуп: Пицунда-Мысратәии Ԥсҳәы-Гәымсҭатәии аҳәырԥсаррақәа рзы аҳәаақәеи аԥҟарақәеи рышьақәырӷәӷәаразы Аминистрцәа Реилазаара ақәҵарақәеи апроектқәеи.
Иара убасгьы Риҵатәи ареликттә милаҭтә парк азы аԥҟареи уи анапхгараҭара назыгӡо аиҿкаара аиҿкаара-зинтә форма азы аԥҟареи Аԥсны азакәанԥҵара иашьашәало рыҟаҵаразы ақәҵара апроект азнархиароуп.