АҞӘА, хәажәкыра 22 – Sputnik. Кавказ ашәарҭадареи аҭышәынтәалареи, ахҭысқәа ақәҿыҭразы иҟоу амеханизмқәа реиҭахацыркреи, иара убас ҭынч реиҭанеиааиреи ирылацәажәеит Аԥсны ААР ахаҭарнакцәеи Женеватәи аиҿцәажәарақәа рыцхантәаҩцәеи.
Аиҿцәажәара авидеоконференциа аформат ала имҩаԥган, мшаԥы 4-5 рзы имҩаԥысраны иҟоу Женеватәи аиҿцәажәарақәа изаамҭанытәиу 57 рраунд аламҭалазы.
Хәажәкыра 22 рзы Урыстәыла адәныҟатәи аусқәа рминистр ихаҭыԥуаҩ Михаил Галузини Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рыцхантәаҩцәеи авидеоконференциала русура аԥхьаҟатәи аԥеиԥш иалацәажәеит.