АҞӘА, хәажәкыра 23 - Sputnik. Аԥсны ахада Аслан Бжьаниа "Ахьӡ-Аԥша" аорден I аҩаӡара ианеишьеит Урыстәыла Адәныҟатәи аусқәа рминистр Сергеи Лавров, абри атәы аанацҳауеит атәыла ахада ипресс-маҵзура.
"Аԥсны аҳәынҭқарра ахьыԥшымра азхаҵара, аԥсуа-аурыс аҳәынҭқаррабжьаратә еизыҟазаашьақәа арӷәӷәареи арҿиареи рыҟны иҟаиҵаз илагалаз", - ҳәа азгәаҭоуп хәажәкыра 21 2023 шықәсазы иҟаҵоу аусԥҟа аҟны.