АҞӘА, хәажәкыра 25 – Sputnik. Аҟәа араион Гәымсҭа ақыҭа ахадара ахыбра амца акит, абри атәы Sputnik иазеиҭарҳәеит АҶА апресс-маҵзураҿы.
Амцакра ҟалеит ҳәа АҶА ахь адырра ҟалеит 19:03 сааҭ рзы.
Амцарцәаҩцәа амцакра арцәара рылшеит, уадак ауп иблыз.
"Амцакра шыҟалаз азы адырра ирлас иҳауит, уи иабзоураны амцарцәаҩцәа амцарцәа иахьӡеит", - рҳәеит аусбарҭаҿы.
Амцакра зыхҟьаз еилкаам. Аӡәгьы ааха имоуӡеит.