АҞӘА, хәажәкыра 26 – Sputnik. Очамчыреи, Тҟәарчали, Гали рраионқәа рҟынтәи 170 бгалаџи абгақәа хәбеи шьны иарҭеит адкылара раԥхьатәи амш азы, абри атәы Очамчыра-информ иазеиҭеиҳәеит араион аветеринартә маҵзура аиҳабы Ахра Амҷба.
Адкыларатә мшны ишьақәырӷәӷәоуп-аԥшьаша. Ашәарыцаҩцәа бгак азы 5000 мааҭ, абгалаџ азы– 2 000 мааҭ рзыршәоит.
Аԥсны иаартуп иршьыз абгақәеи абгалаџқәеи ахьрыдыркыло аҭыԥқәа хԥа:
Аҟәеи Гәылрыԥшьи араионқәа ашәарыцаҩцәа иадҵаалар ҟалоит Ҷанба имҩаҟны иҟоу аветеринартә лабораториа,
Очамчыреи, Тҟәарчали, Гали рраионқәа- Очамчыратәи аветмаҵзура,
Гагреи Гәдоуҭеи рраионқәа рҟны- Гәдоуҭатәи аветмаҵзура, Очамчыра, 2 амҩ.