"Амҩахәасҭақәа ахаҳә сса рықәԥсатәуп, иааргараны иҟоуп, ҳазыԥшуп. Аҵлақәа амахә ҩақәа рылхра ҳаҿуп. Аусурақәа ҩ-напык рыла ицоит, атуристцәа рыдкылара ҳҽазыҟаҳҵоит. Хара имгакәа арԥхарҭаҟны иҟоу ашәҭқәа адәахьы идәылаҳгоит, нас аӡҭачқәа рахь инаҳгоит. Мшаԥы анҵәамҭазы дара ашәҭра иалагоит. Ауаҩы ибла хызкуа ашәҭқәа ҳамоуп", - иҳәеит Гәбаз.
Гәбаз еиҭеиҳәеит хкы рацәала агортензиа шәҭы аиҭаҳатә Аботаникатә баҳча ҳамҭас ишарҭаз атәы.
Аицәажәара инеиҵыхны ишәаҳар шәылшоит аудиофаил аҟны хыхь.