АҞӘА, хәажәкыра 27 - Sputnik. Сынтәа Аԥсны иқәҿиароу атуристтә аамҭа иазԥшуп ирекордтәыз 2021 шықәса инадҩыло ҳәа иҳәеит абрифинг аҟны атуризм аминистр Ҭеимураз Хышба.
2021 шықәсазы ареспублика иаҭааит 1,5 миллионҩык атуристцәа.
Аусбарҭа ахада иҳәеит, 2023 шықәса лаҵарамзазы заанаҵтәи аҿаҵарақәа еиҳахеит 30% рыла ииасыз ашықәс иаҿырԥшны, рашәарамзазы —50% рыла.
Аминистрра ахәшьақәа рыла, 2022 шықәсазы Аԥсны зыԥсы зшьоз 1,15 миллионҩык рҟынтә 45% атуристцәа уахынла иԥхьон, 55% мышктәи аекскурсиатә ныҟәарала Аԥсны иаҭаауан.