АҞӘА, хәажәкыра 29 - Sputnik. "Аҿар рыбжьы" XXII аицлабра мҩаԥгахоит Аԥсны Аҳәынҭфилармониаҟны хәажәкыра 29, 30 рзы ҳәа аанацҳауеит Иван Кортуа ихьӡ зху Жәлар рҟазара ареспубликатә центр.
Алахәылацәа еихшоуп 4 гәыԥкны рықәра ишаҵанакуа еиԥш: 4 - 8 шықәса, 9 - 10 шықәса, 11 - 13 шықәса, 14 - 18 шықәса.
Хәажәкыра 29 рзы иқәгылоит 10 шықәса рҟынӡа зхыҵуа, хәажәкыра 30 рзы - 10 шықәса ирҭысхьоу.
Аконцерт иалагоит асааҭ 18:30 рзы.
Ажиури аилазаара иалоуп еицырдыруа акомпозиторцәеи авокал азҟазацәеи. Аиааира зго иранашьахоит аҳаҭыртә шәҟәқәа, I, II, III аҩаӡарақәа рдипломқәа, иара убасгьы агәалашәаратә ҳамҭақәа, амедальқәа.
Иреиӷьхо Аԥсны ахьӡала жәларбжьаратәи аицлабрақәеи афестивальқәеи рҿы иқәгылалоит.