АҞӘА, хәажәкыра 31 - Sputnik. Аԥсни Башкортосҭани аекономикатә усхк аҟны аусеицуразы амеморандум рнапы аҵарҩит Аԥсны аекономика аминистр Кристина Озгани Башкортосҭан аекономикатә ҿиареи аинвестициатә политикеи рминистр Рустам Муаразови.
Уи аԥхьа ареспубликақәа Аԥсни Башкортосҭани жәларбжьаратәии адәныҟаекономикатәии еимадарақәа рынагӡаразы ахәаахәҭра-економикатә, аҭҵаарадырратә-техникатә, асоциалтә, атуристтә, акультуратә усхкқәа рҟны аусеицуразы аиҳабырабжьаратә еиқәшаҳаҭра рнапы аҵарҩит.
Аусеицура ахырхарҭа хадақәа:
ааглыхра,
аинвестициақәа радԥхьалара
абнааглыхреи, агәабзиарахьчареи, атуризми, акультуреи русхк аҟны аусеицура.