Аинформациатә маҵзуреи арадиои Sputnik Аԥсны ишәыднагалоит есымчыбжьатәи акультуратә хҭысқәа – атеатртә қәгыларақәа, афилармониатәии аестрадатәии концертқәа, ацәыргақәҵақәа.
Аҟәа
Аԥсуа драматә театр аҿы Достоевски ироман "Бедные люди" ала Владимир Симоновски ипиеса иалху аспектакль ҿыц "Агәхыхҩы" ("Ловелас") дырбахоит мшаԥы 4 асааҭ 19:00 рзы. Аспектакль аҿы еиҭаҳәоуп Макар Девушкини Варенька Добросоловеи рыбзиабара аҭоурых. Ахархәара аҭоуп арежиссиортә маана. Уи ахәаԥшцәа аспектакль азал аҟынтәи акәымкәа асценаҿ иҟоушәа агәаанагара рнаҭоит. Аспектакль афырхаҵа хада ироль наигӡоит Аԥсны зҽаԥсазтәыз артист Ҭемраз Чамагәуа, афырԥҳәыс хада – актриса Амра Начҟьебиаԥҳа.
Мшаԥы 3 асааҭ 19:00 рзы РУСДРАМ аҟны: аспектакль "Ашәахәа зхьыршоу" ("В лучах"). Амоноспектакль далахәуп актриса Ирина Делԥҳа. Арежиссиор-ақәыргылаҩ - Антон Корнилов.
Амоноспектакль, “Зынасыԥ зеижьаз Енџьы-ҳаным”, Даур Занҭариа иповест иалху, ддырбоит мшаԥы 4 асааҭ 19:00 рзы. Ароль хада налыгӡоит Анна Гиурегиан.
Мшаԥы 5 асааҭ 19:00 рзы – амоноспектакль "Бродски", уи Иосиф Бродски ипоема "Шествие" шьаҭас иамоуп. Ароль хада налыгӡоит Милана Ломиаԥҳа.
Аԥсны Мрагыларатәи араионқәа
Мшаԥы 6 асааҭ 16:00 рзы Гал, Акультура ахан аҿы имҩаԥысуеит Аҳәынҭқарратә ансамбль “Кавказ” аконцерт.
Иара убасгьы Аҳәынҭқарратә ансамбль “Кавказ” аконцерт мҩаԥгахоит Тҟәарчал Акультура ахан аҿы мшаԥы 9 асааҭ 16:00 рзы. Аконцертқәа рахь аҩналара хәыда-ԥсадоуп.