АҞӘА, мшаԥы 7 – Sputnik, Бадраҟ Аҩӡба. Аԥсны Қырҭтәылеи иареи рҳәаа ахысраҿы аԥкрақәа аланагалеит, абри атәы иҳәеит Sputnik аинтервиу азҭаз Аԥсны АШәМ аҳәаахьчаратә гәыԥ аиҳабы Русҭам Латипов.
"Аԥсны ауааԥсыра аҳәаа рахыжьразы аԥкрақәа аларгалеит Қырҭтәыла иҟоу аҭагылазаашьа инамаданы. Агуманитартә ҟазшьа змоу аҭагылазаашьақәа раан ада аҳәаа ахысра аанкылоуп", - иҳәеит иара.
Аԥкрақәа ЕгрыГЕС аусзуҩцәа аҵанакуам. Аԥкрақәа рыҿҳәара азгәаҭам, уи Қырҭтәыла ауаажәларра-политикатә ҭагылазаашьа иадҳәалоуп, иҳәеит Латипов.