АҞӘА, мшаԥы 10 – Sputnik. Киевынтәи ирхынҳәын итҟәаз 106-ҩык урыстәылатәи аибашьцәа, абри атәы аанацҳауеит Урыстәыла атәылахьчара аминистрра.
"Мшаԥы 10 рзы Киев анапаҵаҟа иҟоу аҵакырақәа рымчрақәа рыҿцәажәара ашьҭахь Урыстәылаҟа ирхынҳәын 106-ҩык аруаа, дара рыԥсҭазаарақәа ашәарҭара иҭагылан", - аҳәоит аусбарҭа адырраҭараҿы.
Зхы иақәиҭыртәыз атҟәацәа арра-транспорттә авиациа аҳаирпланқәа рыла Москваҟа инагахоит. Аруаа аҽыхәшәтәреи ареабилитациеи иахысуеит, апсихологиатә цхыраара рырҭоит.
Урыстәылеи Украинеи рыбжьара атҟәацәа еимдан хәажәкыра алагамҭазы. Усҟан рхы иақәиҭыртәит 90-ҩык урыстәылатәи аруаа.