АҞӘА, мшаԥы 12 - Sputnik. Урыстәыла Аладеи Нхыҵ Кавкази рҳазалхратә усбарҭақәа русура еиҭашьақәыргылоуп, абри атәы аанацҳауеит Урыстәыла АҲМ.
Аусура иалагеит аелектронтә шәҟәҭагалара ацентрқәа. Асааҭ 08:00 рзы Аладатәи аҳазалхратә хырхарҭаҿы ашәҟәы иҭагалан 315 тауар, аҳәаа иахыжьын 319.
Аҳазалхратә операциақәа мҩаԥыргоит ақьаадтәи аелектронтәи формақәа рыла.
Мшаԥы 10, ашьыжь асааҭ 6 рзы аушьҭырҭа-гәаҭарҭатә ҭыԥ "Адлер" аусура еиԥҟьеит Урыстәыла аҳазалхратә усбарҭақәа ринформациатә система иаиуз акибержәылара иахҟьаны.