АҞӘА, мшаԥы 19 - Sputnik, Асмаҭ Ҵәыџьԥҳа. Аҳәынҭқарра иахатәу аенергетикатә хыбрақәа қьырала рыҭаразы аиқәшаҳаҭрақәа шьақәнарӷәӷәалоит Аԥсны Апарламент.
Иахьа Апарламент адепутатцәа аҩбатәи, аҵыхәтәантәи аԥхьарала "Афымцамчхараз" азакәан ариашарақәа аларгалеит.
"Аенергетика – аҳәынҭқарраҿ ихадоу хырхарҭоуп, аҳәынҭқарратә оператор имазаратә комплекс хра аманы ахархәара азҵаарақәагьы аԥыжәаратә ҟазшьа рымоуп аҳәынҭқарратә интересқәа ркомплекс амҩаԥгараан", - аҳәоит аилыркаагатә шәҟәаҿы.
Убри аан иазгәаҭоуп азакәан уажәтәи аредакциаҿ ишыҟоу аҳәынҭқарра иахатәу аенергетикатә ҟазшьа змоу ахыбрақәа рхатәтәра аганахьала аԥкрақәа.