АҞӘА, мшаԥы 21 - Sputnik. Артиомовск иахьаҵанакуа ар ргәыԥ "Южная" артиллериа аҿаԥхьа иқәгылаз 69 усдҵақәа нанангӡеит уахыки-ҽнаки рыҩнуҵҟа, авиациа аантәи аӷа ихылеит ҳәа аанацҳауеит Атәылахьчара аминистрра.
"Ииасыз уахыки-ҽнаки рыҩнуҵҟа иҭархоуп 310-ҩык украинатәи аибашьцәа, акәылӡмашьынақәа ԥшьба, автомашьынақәа хԥа, РСЗО "Град", агаубица "Мста-Б", артиллериатә шьақәгыла "Гвоздика", - аҳәоит аусбарҭа адырраҭара.
Алада –Донецктәии Запорожиатәии ахырхарҭақәа рҿы иқәыцҟьаауп УАМ амеханизациа зызуу 65-тәи абригадеи 44-тәи артиллериатә бригадеи рџьаԥҳанышьҭаҵарҭақәа ҩба, иҭархоуп 90-ҩык украинатәи асолдаҭцәа, ҩ-кәылӡмашьынак, х-пикапк, агаубица "Мста-Б". Херсонтәи ахырхарҭаҿы – УАМ 10-ҩык асолдаҭцәеи ҩ-автомашьынаки.
Купиансктәи ахырхарҭаҿы адиверсиа-ԥшыхәратә гәыԥқәа ԥшьба ржәылара аԥырҟәҟәаауп, иԥжәоуп аџьаԥҳанышьҭаҵарҭа, ишьуп 60-ҩык асолдаҭцәа, акәылӡмашьына, х-автомашьынак, агаубица Д-20, артиллериатә шьақәгыла "Акация".
Красно-Лимантәи ахырхарҭаҿы –55-ҩык аибашьцәа, ҩ-кәылӡмашьынак, ҩ- пикапк, агаубица Д-20, артиллериатә шьақәгыла "Гвоздика".
Аоператив-тактикатә авиациеи, аракетатә ари, артиллериеи иҭадырхеит 94 артиллериатә ҟәша, 135 раион рҿы – ари атехникеи. Иԥжәоуп аџьаԥҳанышьҭаҵарҭа Константиновка иахьаҵанакуа.
Аҳауахьчаратә мчқәа икарыжьит аицҭырҟьаратә система HIMARS ареактив хгәыцәқәа хԥа, аԥырҩы дызҭам украинатәи ахархәагақәа хԥа.
Арратә операциа иалагазар УАМ рцәыӡқәа иреиуоуп: 411 ҳаирплан, 228 верталиот, 3782 аԥырҩы дызҭам ахархәагақәа, 415 зенит-ракетатә комплекс, 8773 танки акәылӡымашьынеи, 1091 ареактивтә системақәа, 4633 артиллериатә шьақәгылеи аминаршәгақәеи, 9650 ак автомобилтә техника.