Аԥсны

Харитон Агрба аиааира игеит Душанбе абокс ахәылԥаз аҟны

Sputnik
АҞӘА, мшаԥы 28 – Sputnik. Харитон Агрба техникатә нокаутла дииааит узбекисҭантәи аспортсмен Мирзакамол Нематов, абри атәы аанацҳауеит Аспорт азы Аҳәынҭеилакы.
Аиқәԥара мҩаԥысит мшаԥы 28 рзы Ҭаџьиқьисҭан Ареспублика Душанбе ақалақь аҿы абокс азы ахәылԥаз аҳәаақәа ирҭагӡаны.
Ари 12-нтәуп Харитон Агрба апрофессионалтә ринг аҟны аиааира игоижьҭеи.
Харитон Агрба - аԥснытәи аспортсмен, жәларбжьаратәи акласс ала аспорт дазҟазоуп, WBA Fedecaribe, WBA Continental, IBF European ртитулқәа ианашьоуп, апрофессионалтә ринг аҿы 2019 шықәса аахыс дықәгылоит.