АҞӘА, мшаԥы 30 - Sputnik. Аҳҭнықалақь анапылампыласыҩцәа аиааира ргеит анапылампыл азы Аԥсны ахраҿа афинал аҟны. Абри атәы аанацҳаит Аҿари аспорти рзы Аҳәынҭқарратә еилакы.
Урҭ асабша, мшаԥы 29 рзы имҩаԥысыз афинал аҿы ирыцыхәмаруан Аԥсны иҟоу Урыстәыла Афедералтә шәарҭадаратә маҵзура иатәу аҳәаахьчаратә усбарҭа акоманда "Динамо", аиааира ргеит 3:1 ҳәа.
Ахԥатәи аҭыԥ азы ихәмаруан аҟәатәи "Спартаки" "Аҷандареи". Аҳҭнықалақьаа ара аиааира ргеит 3:2 ҳәа.