Аԥсуа поет, апрозаик, апублицист Даур Занҭариа 70-шықәса ихыҵра иазкны Sputnik амультимедиатә пресс-центр аҟны имҩаԥысит авидеоцҳа. Иара еиднакылеит Даур Занҭариа иҟазара атәы ибзиаӡаны издыруа. Урҭ ируаӡәку Владимир Занҭариа арадио Sputnik аефир аҿы еиҭеиҳәеит Даур Занҭариа ирҿиаратә феномен атәы.
Даур Занҭариа ҩ-культурак ацҳа рыбжьазҵаз дреиоуп ҳәа азгәеиҭеит аиҿцәажәараҿы Владимир Занҭариа. Иара дыҩуан ҩбызшәак рыла, рыҩбызшәак рҿы ихатә стиль иман ҳәа иҳәеит апублицист.
"Иара иԥсы шҭаз Аԥсни Урыстәылеи иҩымҭақәа азгәарҭеит иӷәӷәаны. Ҿыц даналагоз аԥсышәала дыҩуан, еиҳарак аҭоурыхтә повестқәа. Даур ихатә стиль аԥҵара илшеит, дымшәакәа, агәаӷьра аарԥшны ҳаклассикатә литература аҳәаақәа дырҭыҵит. Рыҩбызшәак рҿы иубаратәы иҟоуп уи", - ҳәа азгәеиҭеит Занҭариа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.