АҞӘА, лаҵара 7 - Sputnik. Аԥсны Аҳәынҭқарра Ахада Аслан Бжьаниа инапы аҵаиҩит "Аԥсны Аҳәынҭқарра зҽаԥсазтәыз абаҩрҵәыреи аспорти русзуҩы" ҳәа аҳаҭыртә хьӡы ахҵаразы" Аусԥҟа.
Шықәсырацәала лыҵшәа бзиала русуразы аҳаҭыртә хьӡы рыхҵоуп Гәдоуҭа араион аҿари аспорти русқәа рзы аилак аиҳабы Џьарназ Бениа, галтәи ашьапылампылтә клуб "Самырзаҟан" аиҳабы Зараби Кикнавелиӡе, аҿари аспорти русқәа рзы аҳҭнықалақь аусбарҭа аиҳабы Ельза Ҳагԥҳа.