АҞӘА, лаҵара 10 - Sputnik. Урыстәыла Иаабац Арбџьармчқәа Европа рыҟазаара иазку Аиқәшаҳаҭра мап ацәнакуеит. Апарламент аҿы ари аԥшьгамҭа ахәаԥшраан ахада ихаҭарнакс дҟалоит Урыстәыла ААР ахада ихаҭыԥуаҩ Сергеи Риабков. Абри атәы аҳәоит ахада иусԥҟаҟны.
"Урыстәыла Адәныҟатәи Аусқәа рминистр ихаҭыԥуаҩ Риабков Сергеи Алықьса-иԥа Афедералтә Еизара апалатақәа рҿы Иаабац Арбџьармчқәа Европа рыҟазаара иазку Аиқәшаҳаҭра мап ацәкразы аилацәажәараан Урыстәыла ахада иофициалтә хаҭарнакс дыҟазааит", - ҳәа аҳәоит адокумент.
Атекст адаптациатә еиқәшаҳаҭра рнапы аҵарҩит— Урыстәыла, Белоруссиа, Ҟазахстан, Украина.
Москва 2007 шықәсазы Иаабац Арбџьармчқәа Европа рыҟазаара иазку Аиқәшаҳаҭра алахәхара аҽацәхьанакит, НАТО атәылақәа адаптациатә еиқәшаҳаҭра аратификациа азнауаанӡа, адокумент аҟны иарбоу ламысцқьала анагӡара иалагаанӡа.